Shoqëria Kulturore Artistike “Jahi Hasani”, nga Gostivari, në mënyrë dinjitoze e ka prezantuar Gostivarin dhe rajonin e Pollogut në manifestimet që janë organizuar në qytetin e Vlorës me rastin e 100 vjetorit të Pavarësisë së Shqipërisë.

Në emër të Bashkisë së Vlorës dhe të kryetarit Shpëtim Gjika, për SH.K.A “Jahi Hasani”, ka arritur letër në shenjë falënderimi dhe mirënjohje për përformancën dhe për pjesëmarrjen e SH.K.A “Jahi Hasani”, në manifestimet në Vlorë,

“Performancat që grupet realizuan, jo vetëm në Skenën e Festivalit por, mbi të gjitha, në rrugë, sheshe, trotuare e kudo i dhanë festës tonë të përbashkët, entuziazëm dhe atmosferë të jashtëzakonshme duke derdhur nëpër rrugët e qytetit ritme dhe ngjyra të magjishme të folkut shqiptar. Palodhshmëria e të gjithë artistëve dhe drejtuesve që shoqëronin këto grupe tregoi edhe një herë se dashuria dhe respekti i shqiptarëve për Flamurin dhe Kombin mbetet unikale. Ju bëtë që për katër ditë me radhë qyteti i Flamurit të duket më i bukur, më i gjallë , më entusiazt dhe më atraktiv se çdo herë më parë në historinë e vet. Qytetarët e Vlorës dhe të gjithë ata që në këto ditë ishin mysafirë në këtë qytet me rastin e 100 Vjetorit, do t’ju kujtojnë gjatë dhe do t’ju jenë përherë mirënjohës. Bashkia e Vlorës u është shumë mirënjohëse për gjithçka ju bëtë për ti shtuar edhe më shumë ngjyrat dhe atmosferën festës së 100 Vjetorit dhe do të gjejë rastin që këtë mirënjohje ta shoqërojë edhe me dokumentin zyrtar të certifikuar nga Kryetari i Bashkisë”, thuhet në letrën Koordinatorit kryesor të Festivalit Folklorik Mbarëkombëtar, mbajtur në Vlorë, Sejmen Gjikoli.

Shoqëria Kulturore Artistike “Jahi Hasani”, nga Çegrani i Gostivarit, në mënyrë dinjitoze e ka prezantuar Gostivarin dhe rajonin e Pollogut në manifestimet që janë organizuar në qytetin e Vlorës me rastin e 100 vjetorit të Pavarësisë së Shqipërisë.

“Shoqëria jonë nga data 25 e deri me 28 Nëntor, mori pjesë në manifestimet për të shënuar 100 vjetorin e Pavarësisë së Shqipërisë. Morëm pjesë në momentin kur u ngrit flamuri në Vlorë, por edhe në të gjitha momentet tjera më interesante që ishin. Me grupin tonë folklorik tre herë i prezantuam kostumet tradicionale të rajonit të Gostivarit. Kemi vallëzuar, kemi kënduar dhe kemi defiluar në rrugët dhe sheshet e Vlorës, për katër ditë me radhë. Vallja e Lirisë dhe shpalosja e flamurit gjigant ka qenë atraksion për publikun në Vlorë, të cilët e priten shumë mirë paraqitjen tonë. Përveç publikut në Vlorë, edhe shikuesit e RTSH-së, kanë pasur mundësi që ta shohin prezantimin tonë, sidomos me datë 27 nëntor, kur është bërë transmetimi direkt nga Vlora”, tha për Radio VALA, kryetari i SH.K.A “Jahi Hasani”, Zani Memedi. 

Në emër të Bashkisë së Vlorës dhe të kryetarit Shpëtim Gjika, për SH.K.A “Jahi Hasani”, ka arritur letër në shenjë falënderimi dhe mirënjohje për përformancën dhe për pjesëmarrjen e SH.K.A “Jahi Hasani”, në manifestimet në Vlorë, 

“Ne cilësinë e Koordinatorit kryesor të Festivalit Folklorik Mbarëkombëtar , mbajtur në Vlorë prej datës 25 deri 28 Nëntor 2012 , si dhe me autorizim nga kryetari i Bashkisë së Vlorës, z. Shpëtim Gjika, dua t’ju përcjell falënderimet më të sinqerta për gjithçka ju mundët të bënit në qytetin e Vlorës, gjatë ditëve të qëndrimit në këtë qytet, me rastin e Festes së Madhe të Pavarësisë. Performancat që grupet realizuan, jo vetëm në Skenën e Festivalit por, mbi të gjitha, në rrugë, sheshe, trotuare e kudo i dhanë festës tonë të përbashkët, entuziazëm dhe atmosferë të jashtëzakonshme duke derdhur nëpër rrugët e qytetit ritme dhe ngjyra të magjishme të folkut shqiptar. Palodhshmëria e të gjithë artistëve dhe drejtuesve që shoqëronin këto grupe tregoi edhe një herë se dashuria dhe respekti i shqiptarëve për Flamurin dhe Kombin mbetet unikale. Ju bëtë që për katër ditë me radhë qyteti i Flamurit të duket më i bukur, më i gjallë , më entusiazt dhe më atraktiv se çdo herë më parë në historinë e vet. Qytetarët e Vlorës dhe të gjithë ata që në këto ditë ishin mysafirë në këtë qytet me rastin e 100 Vjetorit, do t’ju kujtojnë gjatë dhe do t’ju jenë përherë mirënjohës. Bashkia e Vlorës u është shumë mirënjohëse për gjithçka ju bëtë për ti shtuar edhe më shumë ngjyrat dhe atmosferën festës së 100 Vjetorit dhe do të gjejë rastin që këtë mirënjohje ta shoqërojë edhe me dokumentin zyrtar të çertifikuar nga Kryetari i Bashkisë”, thuhet në letrën Koordinatorit kryesor të Festivalit Folklorik Mbarëkombëtar, mbajtur në Vlorë, Sejmen Gjikoli. 

Në festivalin Mbarëkombëtar që është mbajtur në Vlorë me rastin e 100 vjetorit të Pavarësisë së Shqipërisë, nga Maqedonia përveç SH.K.A “Jahi Hasani” nga Çegrani i Gostivarit, kanë marr pjesë edhe Ansambli i Valleve “Ibe Palikuqi” nga Shkupi dhe Shoqëria Kulturore Artistike “Karshiaka” nga Shkupi. /Radio VALA/

Dy çmime të rëndësishme janë ndarë për Shoqëria Kulturore Artistike “Jahi Hasani” nga Gostivari në Festivalin Folklorik Mbarëkombëtar të Valles Popullore Tradicionale në Tiranë. Berat Xhelili dhe Erxhan Abduli morën dy margaritarë nga kryeqendra shqiptare. Shoqëria Kulturore Artistike “Jahi Hasani” është prezantuar me dy valle dhe një këngë folklorike autoktone të Pollogut dhe Çegranit.

“Patëm një prezantim të mirë, ku u paraqitem me këngë dhe valle folklorike autoktone si dhe me kostume nga “Mali i Thatë”, ku paraqitja jonë zgjoi interesim të madh. 

E veçanta ishte se ne u paraqitëm me program Live, ku edhe morëm dy çmime, çmimi për Program të dalluar dhe çmimi për karrierë”, tha drejtori i SH.K.A “Jahi Hasani”, Zani Memedi.

Festivali që sivjet është mbajtur në kuadër të themelimit të shtetit shqiptar, vjen si organizim i Shoqatës Kulturore Artistike “Ahmet Zogu”, nga Tirana, kurse pjesëmarrës ka qenë edhe Princi Leka II. Kanë marr pjesë shoqëri kulturore artistike nga Shqipëria, Kosova, Maqedonia, Kosova Lindore, Mali i Zi. Nga Maqedonia ka marr pjesë edhe Shoqëria Kulturore – Artistike “Jehona e Malësisë” – Tetovë./TV2

  

Grupi i ri i valleve nën udheheqjen e BERAT XHELILIT DHE ERXHAN ABDULIT në programin e vitit të ri 2012 në qendrën për kulturë Gostivar

                     

Tradicionalisht, festivali fillon me parakalimin e shoqërive dhe ansambleve pjesëmarrëse, që edhe kësaj here nuk iu shmangën kësaj tradite. Pas  parakalimit të shoqërive pjesëmarrëse në natën e parë dhe atyre nga treva e Strugës, rrugëve të qytetit, valles së përbashkët në qendër të qytetit, që për kënaqësinë e artëdshësve dhe mysafirëve që aktualisht qëndrojnë për pushime, shoqëritë dhe ansamblet pjesëmarrëse në natën e parë u ngjitën në skenën e festivalit, në qendër të qytetit.

Pra programi i natës së parë u hap me paraqitjen e SHKA “Shpresa” nga Veleshta, që tashmë ka krijuar një simpati tek artdashësit, me programin e saj dhe pika bukur të realizuara koreografike.

Ansambli “Qendra kulturore” nga Librazhdi i Shqipërisë, vazhdoi programin me pikat e përzgjedhura të këngëve dhe valleve, për ti lënë radhën Ansamblit “Josip Rela” nga Podujeva e Kosovës.

SHKA, “Xheladin Zeqiri” nga Tetova, që ishte paraparë të jetë natën e parë të festivalit, për arsye të panjohura, nuk kanë ardhur në këtë festival dhe në vendin e tyre u inkuadruan anëtarët e Ansamblit të këngëve dhe valleve “Bursa” nga qyteti me të njëjtin emër nga Turqia, që janë pjesëmarrës edhe në Festivalin ballkanik në Ohër. 

Dueti koreografik nga Tropoja e vazhdoi programin, për ti lënë përmbylljen e kësaj mbrëmje të parë SHKA “Valët e Liqenit” nga Ladorishti.

Pos këtyre shoqërive e ansambleve, në skenë u paraqitën edhe Agim Poshka, Skifter Etemi dhe Eduard Sokoli.

Nesër, natën e dytë në program janë këto shoqëri dhe ansamble: “Besa” Dellogozhdë, “Jahi Hasani” Çegran-Gostivar, Ansambli Artistik “Kaltërsia”-Tiranë, Qendra Kulturore “Pjetër Gaci”-Shkodër dhe Ansambli “Zëri i Kosovës” nga Fushë Kosova, si dhe mysafirët e mbrëmjes: Enkeleda Arifi, Ysni Arifi, Arif Vladi, Besijana Memeti dhe Marie Lalçaj. (M.Latifi/INA)

Intervista e kryetarit të SHKA "Jahi Hasani" për TV Koha, me rastin e pjesmarjes në festivalin folklorik "Sharri këndon 2012"

Sheshi i qytetit, “Iliria”në Tetovë, ditë më parë ishte arena kulturore e zhvillimit të festivalit të njëmbëdhjetë të folklorit të përpunuar “Burimet e Sharrit” 2012, festival i cili këtë vit iu dedikua 100 vjetorit të shpalljes së pavarësisë së shtetit shqiptar.

Performancat e grupeve artistike të ardhura nga Struga, Gostivari, Tetova, Shkupi, Kaçaniku dhe Drenasi, gjatë natës së 2 qershorit Tetovës i dhanë një atmosferë festive e cila vazhdoi gjerë në orët e para të mëngjesit. Me përfundimin e festivalit, festivalistët nuk mbetën vetëm me kaq. Ata  në hotel “Liraku” vazhduan me mbrëmjen gazmore, ku me këtë rast, Juria e  formuar nga  shtatë përfaqësuesit e grupeve artistike, shpalli dhe ndau rezultatet e garimit. Kështu, çmimi special  “Burimet e Sharrit” iu nda Ansamblit “Ibe Palikuqa” nga Shkupi, çmimi “Koreografia më e mirë”, i takoi Ansamblit “Karshiaka” nga Shkupi, çmimi  ”Margaritar i kulturës popullore”, iu nda  ansamblit “Shotë Galica” nga Drenasi, i Kosovës, pastaj çmimi  ”Ansambli më i kompletuar”, u shpall Ansambli “Gryka e Kaçanikut” nga Kaçaniku...

Ndërkohë, çmimi  “100 vjet shtet shqiptar”, i takoi ansamblit “Jahi Hasani”, nga Çegrani i Gostivarit, çmimi  “Mehmet Pashë Deralla”, kësaj radhe ngeli në Tetovë dhe iu nda Ansamblit “Burimet e Sharrit”, dhe çmimi  “Menada-valltare ilire” iu nda Ansamblit “Valët e Liqenit “ nga Ladorishta e Strugës. Ndryshe, organizimi i festivalit, edhe kësaj radhe u përkrah nga Kuvendi komunal i Tetovës dhe Ministrisë së Kulturës së Maqedonisë. 

Kthehen nga Turqi si më të mirët !

Në një konkurrencë të madhe mes Shoqërive Kulturo Artistike të shumë shteteve pjesëmarrëse, Shoqëria Kulturore dhe Artistike “Jahi Hasani” nga Gostivari, është shpallur si grupi më i dalluar artistik i shoqërive mysafire në festivalin “Atça Cilek Festival 2012“ që është mbajtur në Turqi. Mirënjohja ka ardhur nga kryetari i komunës së Atçes, Mustafa Çinar. “Me parakalimet shumë të veçanta dhe me performancat e shkëlqyera arritëm të dëshmojmë fuqinë tonë artistike dhe të tregojmë se skena ndërkombëtarë është e merituar. Grupi artistik dha shfaqjet e bukura, publiku mbi 5 mijë vetash u kënaq dhe me shumë ovacione priti prezantimet tona”, theksoi kryetari i Shoqërisë Zani Memedi. “Dëshmuam se mundemi edhe më shumë dhe ketë e dëshmuan më së miri anëtarët tonë në skenën e madhe të festivalit Disiplina e madhe dhe shkëlqimi skenik ishin dy veçoritë që u dalluan në këtë festival. Muzika e gjallë, ekzekutimi perfekt i valleve ishin atmosfera e vërtetë festive e festivalit. Shumë shqiptarë të atjeshëm na përcollën dhe të përlotur na përshëndetën pas festivalit. Pritja, kushte fenomenale skenike si dhe akomodimi ishin vërtetë një stimul i madh për daljet tona të bukura”, u shprehën Valdet Iseini dhe Vidan Saliu, koreografë të kësaj shoqërie. “Ishte një sfidë që e arritëm me shumë gëzim e kënaqësi, kthehemi me sukses të veçantë dhe më të mirë nga grupet e huaja pjesëmarrëse. Le të jetë ky sukses një tregues i mirë për gjithë ne, se me punë dhe me angazhim maksimal mundet të arrihen objektiva të vështira. Personalisht për mua ishte sfidë e veçantë skena e madhe e festivalit, publiku aq serioz dhe artdashës”, tha valltari berat Xhelili. “Për ne ishte një përvojë e jashtëzakonshme sepse vetëm këto skena janë arena e vërtetë e artistëve. Ne dëshmuam dhe dhamë maksimum të jemi më të mirët. Në adresën tonë tashmë kanë arritur shumë ftesa për pjesëmarrje në festivale të ndryshme”, thekoi valltarja Majlinda Aqifi. Brenda kohës, Shoqëria Kulturore dhe Artistike “Jahi Hasani” do të merr pjesë në më tepër festivale, siç janë festival “Burimet e Sharrit”, festivali burimor “Sharri Këndon”, festivali i Gjilanit si dhe festivali ndërkombëtarë “Maoca – 2012”, që po mbahet në Bosnje e Hercegovinë. (D.Z)

FOTO NGA FESTIVALI ,,ATÇA'' TURQI 2012

Jahi Hasani”, në festivale ndërkombëtare !

POSTUAR NGA ADMIN NË FEB 13, 2012 |

Periudha në vazhdim, do të jetë e ngjeshur me aktivitete të njëpasnjëshme për Shoqërinë Kulturo Artistike “Jahi Hasani”. Janë tre aktivitete me karakter ndërkombëtar, për të cilat anëtarët e kësaj shoqëria tashmë intensivisht janë duk bërë përgatitjet e nevojshme për prezantim.

“Këto ditë s’kanë të ndalur ftesat në adresë të shoqërisë sonë. Kemi konfirmuar pjesëmarrjen në festivalin ndërkombëtar që po mbahet në Maoca të Bosnjës. Shumë shpejt do të dihet pjesëmarrja jonë në një festiv tjetër po ashtu ndërkombëtar në Poloni. Kemi edhe një ftesë tjetër për një festival ndërkombëtar në qytetin Gemlik të Turqisë. Për ftesën e fundit, shoqëria jonë ende nuk ka marrë vendim për pjesëmarrje. Shumë shpejt do të dihet edhe përgjigja jonë”, potencoi Zani Memedi, kryetar i Shoqërisë Kulturo Artistike “Jahi Hasani” nga fshati Çegran.

Ai shton se ftesat e arritura së fundi në adresë të kësaj shoqërie, vjen si rezultat i prezantimeve të bukura dhe të dalluara. Me theks të veçantë përmend ftesën për festivalin e Bursës, të cilën e vlerëson të një rëndësie të veçantë edhe për vet shoqërinë.

Janë mbi 50 prezantime të Shoqërisë Kulturo Artistike “Jahi Hasani” nga fshati Çegran që janë janë realizuar brenda dy viteve të fundit.